NJOFTIM

Agjencia e Sigurimit të Cilësisë në Arsimin e Lartë njofton të interesuarit se janë hapur aplikimet për ekspertë nga diaspora akademike në kuadër të  vlerësimit të jashtëm.

Kriteret specifike të përzgjedhjes së ekspertëve të Diasporës akademike shqiptare në kuadër të vlerësimit të jashtëm

 Eksperti duhet të plotësojë kriteret bazë të mëposhtme:

1. Kritere të detyrueshme:
   1. Të ketë kombësi shqiptare dhe të dëshmojë së është rezident i përhershëm jashtë Shqipërisë;
   2. Të mbajë të paktën gradën“Doktor i Shkencave os PhD”;
   3. Të këtë të paktën 5 vite përvojë akademike, dhe të jetë i/e punësuar si personel akademik me kohë të plotë në një institucion të arsimit të lartë, ose institut kërkimor-shkencor;
   4. Të ketë një sërë studimesh të cilësisë së lartë të botuara në revista shkencore cilësore dhe me impakt të lartë në fushën e tij/saj të specializimit;
   5. Të ketë njohuri akademike të gjuhës angleze dhe të jetë në gjendje të shkruajë materiale akademike në gjuhën angleze;
2. Kritere të dëshirueshme:

1. Përvojë në sigurimin e cilësisë në institucionet e arsimit të lartë;
2. Njohuri të proceseve të vlerësimit në kuadër të akreditimit institucional, si dhe programeve. te studimit;
3. Përvojë në organet drejtuese të institucioneve të arsimit të lartë;
4. Njohuri për tregun e punës dhe perspektivat e punës në fushën/disiplinën përkatëse;

 Për të aplikuar lutemi klikoni KËTU.

NJOFTIM

Agjencia e Sigurimit të Cilësisë në Arsimin e Lartë, informon publikun se faza tranzitore ndërmjet dy akreditmeve deri në vendimarrjen nga Bordi i Akreditimit rregullohet me Vendimin e Bordit të Akreditmit Nr. 2 datë 07.04.2017 “Për përcaktimin e kohëzgjatjes dhe afateve të vlefshmërisë së akreditimit në kuadër të vendimarrjes për akreditimin e institucioneve të arsimit të lartë dhe programeve të studimit” pika 4, dhe me Vendimin e Bordit të Akreditmit Nr. 22, datë 14.05.2020 "Për vlefshmërinë e afatit të akreditimit institucional dhe të programeve të studimit si dhe shtyrjen e afatit të aplikimit për akreditim" pika 1.

Në pikë 4 citohet se: Për efekt të vlefshmërisë së akreditimit, kur vendimi final i Bordit të Akreditimit është pozitiv, Institucionet e Arsimit të Lartë që kanë paraqitur kërkesën për akreditim periodik ose plotësimin e rekomandimeve/kushteve, në përputhje me legjislacionin në fuqi dhe që kanë qënë në proces vlerësimi në kuadër të akreditimit, konsiderohen të akredituara për periudhën midis akreditimeve.

Për të parë listën e programeve të studimit të cilat janë në proces akreditimi KLIKONI KËTU