Agjencia e Sigurimit të Cilësisë në Arsimin e Lartë

VENDIM Nr. 206/1 datë 29.07.2011 "ShLUP “Universiteti Europian i Tiranës”

Për Programin e Studimit të Ciklit të Dytë që përfundon me Master i Shkencave (M.Sc.) në:

  1. 1.KËSHILLIM PSIKOLOGJIK DHE PSIKOTERAPI POZITIVE

 

Për Programet e Studimit të Ciklit të Tretë që përfundojnë me Doktor (Dr.) në:

  1. 1.SHKENCA EKONOMIKE, me profile:
    1. a.Financë
    2. b.Menaxhim
    3. c.Ekonomi dhe Zhvillim i qëndrueshëm
    4. d.Menaxhim i Sistemeve të Informacionit
  2. 2.SHKENCA SOCIALE, me profile:
    1. a.Shkenca Komunikimi
    2. b.Shkenca politike dhe Marrëdhënie Ndërkombëtare
    3. c.Sociologji – Antropologji Sociale
    4. d.Psikologji – Pedagogji
  3. 3.SHKENCA JURIDIKE, me profile:
    1. a.E Drejtë Publike
    2. b.E Drejtë Ndërkombëtare
    3. c.E Drejtë Civile
    4. d.E Drejtë Biznesi

 

Këshilli i Akreditimit, pasi shqyrtoi propozimet për Programet e Reja të Studimit Master i Shkencave dhe Doktoraturë të kërkuar nga ShLUP “Universiteti Europian i Tiranës”, Tiranë, bazuar në raportin e vlerësimit teknik dhe në përmbajtje, raportimin e Agjencisë Publike të Akreditimit të Arsimit të Lartë për procedurën e vlerësimit dhe respektimin e kritereve, bazuar në standardet shtetërore të cilësisë, arrin në këtë përfundim:

 

  1. Përmbajtja e Programit të ri të Studimit, M.Sc. në “Këshillim Psikologjik dhe Psikoterapi Pozitive”, përmbush pjesërisht standardet e cilësisë dhe për këtë arsye vendos kushtet e mëposhtme, pas plotësimit dhe verifikimit të të cilave jep vlerësim përfundimtar:

Kushtet:

  • Të shprehet qartë emërtimi i programit të studimit pasi emërtimi Master i Shkencave nuk përshtatet me programin e studimit pasi nuk plotëson kërkesën e Ligjit nr. 10307, datë 22.07.2010 “Për disa ndryshime dhe shtesa në Ligjin nr. 9741, datë 21.05.2007 “Për Arsimin e Lartë në RSH” të ndryshuar”, neni 15, paragrafi 1.2.1 i nenit 26 të ndryshuar, pika a) “programet e studimeve të ciklit të dytë i pajisin të diplomuarit, që zotërojnë diplomën universitare “Bachelor” me njohuri të thelluara, teorike dhe praktike, si dhe trajnim për kërkim shkencor në një fushë, brenda një specialiteti”. Pjesa e fundit e këtij paragrafi “trajnim për kërkim shkencor” nuk është e plotësuar.
  • Të plotësohet plani mësimor sipas udhëzimeve të MASh dhe të paraqiten të detajuara ngarkesa mësimore sipas formave të mësimdhënies.
  • Të paraqitet ngarkesa mësimore jashtë auditorit si dhe të paraqiten format e mësimdhënies.
  • Të paraqitet raporti orë mësimi në auditor/punë e pavarur e studentit.
  • Të paraqitet ndarja e lëndëve sipas veprimtarive formuese.  
  • Të përputhen të dhënat e ECTS për projektin kërkimor dhe tezën e diplomës me udhëzimet e MASh (30-40 kredite).
  • Të paraqiten të dhëna për përbërjen dhe për kualifikimin e anëtarëve të Komitetit Shkencor.
  • Të paraqiten syllabuse për çdo modul dhe jo të grupuara.
  • Të plotësohen syllabuset me elementët si: Viti/semestri kur zhvillohet lënda; Misioni dhe objektivat e lëndës; Ngarkesa në orë si në auditorë dhe jashtë tij; format dhe metodat e mësimdhënies dhe raportet midis tyre; detyrimet e studentit për lëndën dhe literatura ndihmëse.

2.Përmbajtja e Programit të ri të Studimit, Doktoraturë në “Shkenca Ekonomike” me profile: Financë; Menaxhim; Ekonomi dhe Zhvillim i Qëndrueshëm; Menaxhim i Sistemeve të Informacionit, përmbush standardet e cilësisë dhe për këtë arsye jep vlerësimin Pozitiv.

3.Përmbajtja e Programit të ri të Studimit, Doktoraturë në “Shkenca Sociale” me profile: Shkenca Komunikimi; Shkenca Politike dhe Marrëdhënie Ndërkombëtare; Sociologji – Antropologji Sociale, përmbush standardet e cilësisë dhe për këtë arsye jep vlerësimin Pozitiv.

4.Përmbajtja e Programit të ri të Studimit, Doktoraturë në “Shkenca Sociale” me profil: Psikologji - Pedagogji, përmbush standardet e cilësisë dhe për këtë arsye jep vlerësimin Pozitiv, me sugjerimet: Të bëhet diferencimi i këtij programi pasi Pedagogjia dhe Psikologjia janë drejtime të ndryshme dhe si të tilla duhen trajtuar edhe në një program doktrature; Të caktohen lëndë specifike për çdo drejtim dhe të përshtatshme për nivelin e shkollës së doktoraturës; personeli akademik të jetë me kualifikim adekuat dhe në përputhje me secilin drejtim; të shikohet mundësia për të bashkëpunuar me Universitetin e Tiranës.

5.Përmbajtja e Programit të ri të Studimit, Doktoraturë në “Shkenca Juridike” me profile: E Drejtë Publike; E Drejtë Ndërkombëtare; E Drejtë Civile; E Drejtë Biznesi, përmbush standardet e cilësisë dhe për këtë arsye jep vlerësimin Pozitiv.

Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, VKM Nr. 303, datë 1.7.1999, për Krijimin e Sistemit të Akreditimit në Arsimin e Lartë, i rekomandon Ministrit të Arsimit dhe të Shkencës:

Programi i Studimit:                          Doktoraturë në Shkenca Ekonomike, me profile:

                  1. Financë
                  2. Menaxhim
                  3. Ekonomi dhe Zhvillim i Qëndrueshëm
                  4. Menaxhim i Sistemeve të Informacionit

të hapet

Programi i Studimit:                          Doktoraturë në Shkenca Sociale, me profile:

                  1. Shkenca Komunikimi
                  2. Shkenca Politike dhe Marrëdhënie Ndërkombëtare
                  3. Sociologji – Antropologji Sociale
                  4. Psikologji – Pedagogji

të hapet

Programi i Studimit:                          Doktoraturë në Shkenca Juridike, me profile:

                  1. E Drejtë Publike
                  2. E Drejtë Ndërkombëtare
                  3. E Drejtë Civile
                  4. E Drejtë Biznesi

të hapet

Institucioni aplikues ShLUP “Universiteti Europian i Tiranës”, për programin e studimit: M.Sc. në “Këshillim Psikologjik dhe Psikoterapi Pozitive”, pasi të ketë plotësuar kushtet e mësipërme për këtë program studimi, të njoftojë zyrtarisht Këshillin e Akreditimit, i cili, pas verifikimit, do të rifillojë procedurën për vlerësimin e programit të mësipërm.

Z. Emil Lamani dhe Z. Vladimir Nika nuk ishin të pranishëm në këtë mbledhje.


back to top

BA