Këshilli i Akreditimit, bazuar në Ligjin Nr. 9741, datë 21.05.2007, “Për arsimin e lartë në Republikën e Shqipërisë”, i ndryshuar, Vendimin Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar, mbështetur në procesin dhe rezultatet e vlerësimit paraprak të programit të studimit me elementët:

a)      Emërtimi i programit: Doktoratë në “Aktiviteti Fizik dhe Shëndeti”

b)      Cikli i studimit: Cikli i Tretë

c)      Institucioni që e ofron: Universiteti i Sporteve të Tiranës

d)      Fakulteti përgjegjës: Fakulteti i Veprimtarisë Fizike dhe Rekreacionit

e)      Kohëzgjatja (Vite/semestra): 3 vite/6 semestra

f)        Kredite (ECTS): 60 ECTS për vitin e parë teorik

g)      Forma e studimi: me kohë plotë/me kohë të pjesshme

h)      Gjuha e studimeve: Shqip/Anglisht

i)        Statusi i diplomës: Vetëm nga IAL propozuese

j)        Numri i studentëve të parashikuar për vit akademik: 6 - 10 studentë

që përfundon me diplomë Doktoratë në “Aktiviteti Fizik dhe Shëndeti”.


VENDOSI:

1.      Programi i studimit Doktoratë në “Aktiviteti Fizik dhe Shëndeti”, i përmbush standardet e cilësisë dhe kërkesat ligjore akademike përkatëse. Për këtë arsye KA jep vlerësimin përfundimtar pozitiv.
2.      Mbështetur në sa më sipër, Këshilli i Akreditimit i rekomandon Ministrit të Arsimit dhe Sportit që programi i studimit Doktoratë në “Aktiviteti Fizik dhe Shëndeti” me elementët e mësipërm: të hapet
3.      Programi i studimit Doktoratë në “Aktiviteti Fizik dhe Shëndeti” do të monitorohet çdo vit nga APAAL për të verifikuar zbatimin dhe plotësimin e standardeve në vijim.