Për akreditimin e Programeve të Studimit që përfundojnë me Master Profesional në “Kontabilitet” dhe Master i Shkencave në “Drejtësi”, të “Universiteti i New York-ut në Tiranë”.

Këshilli i Akreditimit, pasi shqyrtoi vlerësimin e Programeve të Studimit që përfundojnë me Master Profesional në “Kontabilitet” dhe Master i Shkencave në “Drejtësi”, të “Universiteti i New York-ut në Tiranë”, mbështetur në raportin e vetëvlerësimit, raportin e vlerësimit të jashtëm, në raportimin e Agjencisë Publike të Akreditimit të Arsimit të Lartë, jep vlerësimin përfundimtar Pozitiv, pasi janë në përputhje me standardet, kërkesat ligjore institucionale dhe akademike në fuqi.
Këshilli i Akreditimit vëren se në përgjithësi programet e studimit, i përmbushin objektivat formues, por kanë edhe disa mangësi në realizimin tërësor dhe me cilësi të procesit të formimit të studentëve dhe pajisjes së tyre me dijet dhe shprehitë e nevojshme dhe për këtë qëllim

REKOMANDON:

Për programin e studimit Master Profesional në “Kontabilitet”
§  Të ndërtohen mjedise sportive për studentët.
§  Të përfundohet sa më shpejt ndërtimi i kampusit të ri universitar.
§  Të shikohet mundësia për të arritur rezultate të mjaftueshme marketingu.
§  Të shikohet mundësia për të ulur tarifën e lartë të shkollimit.
§  Të bëhet më shumë përpjekje në përmirësimin e nivelit të kontigjentit të studentëve të pranuar.
Për programin e studimit Master i Shkencave në “Drejtësi”
§  Të rritet kërkimi shkencor në nivel institucional.
§  Të përmirësohet regjistri i amzës, i cili duhet të jetë me shkrim dore dhe gjithashtu notat duhet të mbahen edhe në regjistër me shkrim dore.
Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, Vendim Nr.424, datë 02.6.2010 “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë” dhe Vendim Nr.368, datë 14.4.2011 “Për disa shtesa dhe ndryshime në Vendimin Nr. 424, Datë 2.6.2010, të Këshillit të Ministrave “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë”, të ndryshuar”, i rekomandon Ministrit të Arsimit dhe të Shkencës:

Programi i Studimit:                                   Master Profesional në “Kontabilitet”
të akreditohet.
Programi i Studimit:                                    Master i Shkencave në “Drejtësi”
të akreditohet.