Këshilli i Akreditimit, me VKA Nr. 110, datë 03.11.2015 për “Akreditimin e programit të studimit të ciklit të dytë, Master i Shkencave në “Inxhinieri elektrike”, të Shkollës Private të Arsimit të Lartë “Universiteti Metropolitan Tirana””, përcjellë në Ministrinë e Arsimit dhe Sportit me shkresë Nr. 211/6, datë 11.11.2015 dhe dorëzuar në datën 12.11.2015, i ka rekomanduar Ministrit të Arsimit dhe Sportit, që programi i studimit i ciklit të dytë, Master i Shkencave në “Inxhinieri elektrike”, të akreditohet me kusht.

Institucioni duhet të marrë masa të menjëhershme që të plotësojë kushtin si më poshtë:

a.       Të pasurohen laboratorët në funksion të këtij programi studimi në mënyrë që të krijohet pavarësi e plotë nga institucionet e jashtme.

Rekomandohet gjithashtu që Institucioni të mbështesë kualifikimin e mëtejshëm të stafit akademik efektiv për të rritur shkallën e mbulimit të procesit mësimor më këtë staf.

Këshilli i Akreditimit të Arsimit të Lartë, konstaton se që nga data 12.11.2015 Ministri i Arsimit dhe Sportit nuk është shprehur për Vendimin e mësipërm.

Për këtë arsye, bazuar në nenin 62 pika 1 të ligjit Nr. 9741, datë 21.05.2007, “Për Arsimin e Lartë në Republikën e Shqipërisë” i ndryshuar, i cili parashikon se “Ministri i Arsimit dhe Shkencës, mbështetur në rekomandimet e këshillit të akreditimit, jep vendimin përfundimtar për akreditimin institucional dhe të programeve në arsimin e lartë publik dhe privat. Ai shprehet brenda një muaji, në të kundërt këshilli i akreditimit shpall vendimin e tij”, nenit 138 të Ligj Nr. 80/2015 “Për Arsimin e Lartë dhe Kërkimin Shkencor në Institucionet e Arsimit të Lartë në Republikën e Shqipërisë”, nenin 15 pika 6 dhe 8 të Rregullores “Për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” miratuar me Vendim të Këshillit të Ministrave Nr.424, datë 02.6.2010 i ndryshuar, meqenëse ka kaluar më shumë se 1 muaj dhe Ministri i Arsimit dhe Sportit nuk është shprehur për Vendimin e mësipërm, Këshilli i Akreditimit


1.      Të shpall Vendimin e tij Nr. 110, datë 03.11.2015 për “Akreditimin e programit të studimit të ciklit të dytë, Master i Shkencave në “Inxhinieri elektrike”, të Shkollës Private të Arsimit të Lartë “Universiteti Metropolitan Tirana””.

2.      Vendimi Nr. 110, datë 03.11.2015 i bashkëngjitet këtij Vendimi.

3.      Ngarkohet Agjencia Publike e Akreditimit të Arsimit të Lartëtë njoftojë Ministrinë e Arsimit dhe Sportit dhe Shkollën Private të Arsimit të Lartë “Universiteti Metropolitan Tirana”.