Me synim rritjen e komunikimit dhe mbështetjen e vazhdueshme të arsimit të lartë në vend, Bordi i Akreditimit (BA) zhvilloi një vizitë pranë Universitetit “Ismail Qemali” në Vlorë.

Gjatë këtij takimi, anëtarët e Bordit shkëmbyen mendime të vyera me studentët, stafin akademik dhe drejtuesit e institucionit. Ata patën gjithashtu mundësinë të shohin nga afër infrastrukturën e universitetit, si bibliotekat dhe ambientet e tjera studimore.

Përmes kësaj qasjeje, BA dhe ASCAL synojnë të nxisin komunikimin e drejtpërdrejtë, të garantojnë zbatimin e standardeve të cilësisë dhe të forcojnë bashkëpunimin me institucionet e arsimit të lartë.