Drejtoresha e ASCAL Dr. Xhiliola Bixheku, mori pjesë në samitin e parë "Tirana Forum 2024 for International Students," organizuar nga Liga e Universiteteve Gjon Durrahium. Ky event pati në fokus ndërkombëtarizimin e arsimit të lartë dhe nevojën për ndryshime ligjore për të lehtësuar procesin e ndërkombëtarizimit.

Liga e Universiteteve Gjon Durrahium është një shoqatë që ka në përbërjen e saj rreth 12 universitete dhe kolegje të arsimit të lartë jopublik në Shqipëri, e cila ka në fokus rritjen e cilësisë së arsimit të lartë dhe nxitjen e kërkimit shkencor.