Në datat 27-28 Mars 2025, Drejtoresha e ASCAL Dr. Xhiliola Bixheku, Përgjegjësja e Sektorit të Statistikave dhe Analizave Znj. Ersi Dako dhe Përgjegjësi i Sektorit të Marrëdhënieve me Bordin e Akreditimit dhe Ndërkombëtarizimin Z. Erjon Xhako, morën pjesë në Seminarin e tretë të organizuar nga ENQA, për Agjencitë e Sigurimit të Cilësisë të cilat po përgatiten për një vlerësim të jashtëm në përputhje me ESG 2015, të zhvilluar në Madrid, Spanjë, në Agjencinë Kombëtare për Vlerësimin dhe Akreditimin e Cilësisë në Spanjë (ANECA).

Gjatë seminarit, pjesëmarrësit morën informacione të vlefshme dhe diskutuan mbi qëllimin dhe objektivat e vlerësimit, fazat kryesore të procesit, çështje të lidhura me përputhshmërinë me ESG-të, rolin e EQAR-it në Hapësirën Europiane të Sigurimit të Cilësië dhe pritshmëritë për vlerësimin e agjencive, procesin e vetëvlerësimit, si dhe përvoja të agjencive të tjera të cilat kanë kaluar me sukses një rishikim të ENQA-s.