Drejtoresha e ASCAL Dr. Xhiliola Bixheku mori pjesë në ceremoninë e dorëzimit të certifikatës së akreditimit ndërkombëtar të Kolegjit Profesional të Formimit Policor te Akademisë së Sigurisë nga IADLEST, ku morën pjesë drejtues të lartë të Policisë së Shtetit, përfaqësues të qeverisë dhe të Ambasadës së SHBA.
Ky certifikim vlerësohet si një arritje strategjike për rritjen e standardeve të edukimit dhe trajnimit policor në Shqipëri. Drejtori i Policisë dhe zyrtarët e pranishëm e cilësuan atë si dëshmi të përkushtimit ndaj cilësisë dhe bashkëpunimit ndërkombëtar. Akademia u rendit mes vetëm katër institucioneve me vlerësimin “Ekselent” nga IADLEST.
