Drejtoresha e ASCAL Dr. Xhiliola Bixheku, Përgjegjësja e Sektorit të Promovimit dhe Vlerësimit të Cilësisë Znj. Majlinda Demirneli dhe Përgjegjësja e Sektorit të Financës dhe Shërbimeve Mbështetëse Znj. Pranvera Dingo, morën pjesë në aktivitetin e përvitshëm të Rrjetit të Agjencive të Sigurimit të Cilësisë në Arsimin e Lartë të Evropës Qendrore dhe Lindore (CEENQA), të zhvilluar në Talin, Estoni në datat 13 dhe 14 Qershor.

Workshop-i i zhvilluar në datën 13 Qershor, me titull “Lidhja e Arsimit të Lartë me Tregun e Punës”, u përqendrua në rolin e institucioneve të arsimit të lartë në përafrimin e programeve të studimit me nevojat e tregut të punës, duke siguruar dhe ruajtur njëkohësisht standardet e sigurimit të cilësisë. Në workshop u diskutua se si mekanizmat e sigurimit të cilësisë mund të rrisin punësimin e të diplomuarve, nxitjen e bashkëpunimit me industrinë dhe mbështetjen e përmirësimin e vazhdueshëm të kurrikulës për të përmbushur kërkesat dhe nevojat e tregut të punës.

Në datën 14 Qershor u zhvillua Asambleja e Përgjithshme, ku u votua për zgjedhjen e katër anëtarëve të Bordit të CEENQA-s, pranimin e dy agjencive të reja në këtë rrjet, si dhe u miratua raporti financiar për vitin 2024.