Drejtuesja e ASCAL Dr. Xhiliola Bixheku dhe Përgjegjësi i Sektorit të Marrëdhënieve me Bordin e Akreditimit dhe Ndërkombëtarizimin Z. Erion Xhako, morën pjesë në takimin e parë te grupit Tematik C për Sigurimin e Cilësisë në kuadër të programit të punës 2024-2027 të BFUG, të zhvilluar në datat 27-29 Nëntor në Ghent, Belgjikë.

Në këtë takim, disa prej temave të diskutuara ishin: programi i punës së BFUG për periudhën 2024 – 2027, roli i agjencive të sigurimit të cilësisë në promovimin dhe rritjen e integritetit akademik dhe sigurimin e të nxënit, konkluzionet e fokus grupeve mbi sigurimin e cilësisë së Aleancave të Universiteteve Europiane, organizuar në kuadër të projektit IMINQA, Tirana Ministerial Communiqué: rishikimi i ESG-ve, mikrokredencialet në arsimin e lartë, etj.

Gjithashtu, një hapësirë të rëndësishme në këtë takim zuri edhe prezantimi i objektivave të së ardhmes nga secila prej agjencive të pranishme në takim, si dhe diskutimi mbi praktikat e mira dhe punën e secilit vend për arritjen e objektivave të vendosura.