ASCAL zhvilloi një takim bashkëpunimi me Universitetin “Ismail Qemali”, Vlorë, me qëllim forcimin e kulturës së sigurimit të cilësisë dhe shkëmbimin e përvojave ndërinstitucionale.

Gjatë takimit u diskutua mbi procesin e vetëvlerësimit, sfidat që hasin institucionet e arsimit të lartë gjatë këtij procesi, si dhe rëndësinë e mekanizmave të brendshëm të sigurimit të cilësisë për një arsim më cilësor dhe konkurrues, në përputhje me standardet e cilësisë.

Ky bashkëpunim konfirmon angazhimin e përbashkët për forcimin e cilësisë dhe bashkëpunimin me institucionet e arsimit të lartë si partnerë të rëndësishëm në këtë proces.