Këshilli i Akreditimit, bazuar në Ligjin Nr. 9741, datë 21.05.2007, “Për arsimin e lartë në Republikën e Shqipërisë”, i ndryshuar, Vendimin Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar, mbështetur në procesin dhe rezultatet e vlerësimit, shqyrtoi hapjen e programit të studimit Master i Shkencave në “Inxhinieri Ndërtimi”, me profile: “Strukturë” dhe “Gjeoteknikë”, me elementët si më poshtë:

a)      Emërtimi i programit: Master i Shkencave në “Inxhinieri Ndërtimi”, me profile: “Strukturë” dhe “Gjeoteknikë”

b)      Cikli i studimit: Cikli i Dytë

c)      Institucioni që e ofron: Universiteti “POLIS”

d)     Fakulteti përgjegjës: Fakulteti i Arkitekturës dhe Dizajnit Urban

e)      Kohëzgjatja (Vite/semestra): 2 vite/ 4 semestra

f)       Kredite (ECTS): 120 ECTS

g)      Forma e studimi: me kohë të plotë

h)      Programi i studimit ofrohet nga: Vetëm nga Universiteti “POLIS”

i)        Diploma që lëshohet: Diplomë Master i Shkencave në “Inxhinieri Ndërtimi”, me profile: “Strukturë” dhe “Gjeoteknikë”

j)        Niveli i diplomës në kuadrin e Kornizës Shqiptare të kualifikimeve: Niveli 7

VENDOSI:

1.      Vlerësimin pozitiv për hapjen e programit të studimit Master i Shkencave në “Inxhinieri Ndërtimi”, me profile: “Strukturë” dhe “Gjeoteknikë”, të Universitetit “POLIS”.

2.      Këshilli i Akreditimit i rekomandon Ministrit të Arsimit dhe Sportit, hapjen e programit të studimit Master i Shkencave në “Inxhinieri Ndërtimi”, me profile: “Strukturë” dhe “Gjeoteknikë”, të Universitetit “POLIS”, me elementët e mësipërm.