Këshilli i Akreditimit, bazuar në Ligjin Nr. 9741, datë 21.05.2007, “Për arsimin e lartë në Republikën e Shqipërisë”, i ndryshuar, Vendimin Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar, mbështetur në procesin dhe rezultatet e vlerësimit, shqyrtoi riorganizimin e programit të studimit Bachelor në “Gjuhë Letërsi Shqipe dhe Frënge” në programin e studimit të ciklit të parë Bachelor në “Gjuhë dhe Kulturë Frënge”, ky i fundit me elementët:

a)      Emërtimi i programit: Bachelor në “Gjuhë dhe Kulturë Frënge”

b)      Cikli i studimit: Cikli i Parë

c)      Vendimi i hapjes/licencimit: VKM Nr. 977, datë 08.10.2009

d)     Institucioni që e ofron: Universiteti “Fan S. Noli”, Korçë

e)      Fakulteti përgjegjës: Fakulteti i Edukimit dhe Filologjisë

f)       Kohëzgjatja (Vite/semestra): 3 vite / 6 semestra

g)      Kredite (ECTS): 180 ECTS

h)      Forma e studimi: me kohë të plotë

i)        Programi i studimit ofrohet nga: Vetëm nga Universiteti “Fan S. Noli”, Korçë

j)        Diploma që lëshohet: Diplomë Bachelor në “Gjuhë dhe Kulturë Frënge”

k)      Niveli i diplomës në kuadrin e Kornizës Shqiptare të kualifikimeve: Niveli 6

VENDOSI:

1.      Vlerësimin pozitiv për riorganizimin e programit të studimit Bachelor në “Gjuhë Letërsi Shqipe dhe Frënge” në programin e studimit të ciklit të parë Bachelor në “Gjuhë dhe Kulturë Frënge”, të Universitetit “Fan S. Noli”, Korçë.

2.      Këshilli i Akreditimit i rekomandon Ministrit të Arsimit dhe Sportit, riorganizimin e programit të studimit Bachelor në “Gjuhë Letërsi Shqipe dhe Frënge” në programin e studimit të ciklit të parë Bachelor në “Gjuhë dhe Kulturë Frënge”, të Universitetit “Fan S. Noli”, Korçë, me elementët e mësipërm.

3.      Institucioni të përmirësojë, veçanërisht për këtë fakultet, raportin staf/studentë.

4.      Institucioni të përcaktojë një literaturë bazë të detyrueshme për studentin pasi rekomandimi i disa teksteve sjell konfuzion dhe mbingarkesë. Të shikohet gjithashtu, përputhja e plotë e literaturës ndihmëse me përmbajtjen, në disa syllabuse të këtij programi.