Këshilli i Akreditimit, bazuar në Ligjin Nr. 9741, datë 21.05.2007, “Për arsimin e lartë në Republikën e Shqipërisë” i ndryshuar, Vendimin e Këshillit të Ministrave Nr. 424, datë 02.6.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar dhe mbështetur në procedurën e ndjekur nga APAAL, raportin e vlerësimit të brendshëm dhe të jashtëm si dhe dokumentacionin mbështetës, për programin e studimit, Bachelor në “Inxhinieri Elektronike dhe Komunikimi Dixhital”, me elementët si më poshtë:

a)      Emërtimi i programit: Bachelor në “Inxhinieri Elektronike dhe Komunikimi Dixhital”

b)      Cikli i studimit: Cikli i parë

c)      Vendimi i hapjes/licencimit: Urdhër i Ministrit të Arsimit dhe Shkencës Nr. 269, datë 28.06.2012 dhe riorganizuar me Urdhër të Ministrit të Arsimit dhe Shkencës Nr. 232, date 06.06.2013

d)     Institucioni që e ofron: Universiteti Epoka

e)      Fakulteti përgjegjës: Fakulteti i Arkitekturës dhe Inxhinierisë

f)       Kohëzgjatja (Vite/semestra): 3 vite/6 semestra

g)      Kredite (ECTS): 180 ECTS

h)      Forma e studimit: Me kohë plotë

i)        Programi i studimit ofrohet: Vetëm nga Universiteti Epoka

j)        Statusi i diplomës: Diplomë Bachelor në “Inxhinieri Elektronike dhe Komunikimi Dixhital”

k)      Niveli i diplomës në kuadrin e Kornizës Shqiptare të kualifikimeve: Niveli 6

VENDOSI:

1.      Programi i studimit Bachelor në “Inxhinieri Elektronike dhe Komunikimi Dixhital” i Universitetit Epoka, i përmbush “Standardet shtetërore të cilësisë” për akreditimin e programit të studimit të ciklit të parë. Për këtë arsye, Këshilli i Akreditimit vendos të japë vlerësimin përfundimtar pozitiv.

2.      Këshilli i Akreditimit i rekomandon Ministrit të Arsimit dhe Sportit që, programi i studimit, Bachelor në “Inxhinieri Elektronike dhe Komunikimi Dixhital” me elementët e mësipërm, të akreditohet.

3.      Në vijim, Institucioni të marrë masa për përmirësimin e nivelit të gjuhës angleze për një pjesë të studentëve që hasin vështirësi përmes organizimit të kurseve të posaçme të gjuhës të nivelit të avancuar akademik, si dhe rritjen e cilësisë në hyrje të pranimeve në këtë program.