Për akreditimin e Institucionit dhe Programeve të Studimit që përfundojnë me Bachelor në “Arsim parashkollor dhe fillor”; Bachelor në “Psikologji Këshillimi dhe Pedagogji”; Bachelor në “Drejtësi”; Bachelor në “Shkenca Komunikimi”; Bachelor në “Shkenca Islame”; Bachelor në “Gjuhë dhe Letërsi Turke”; “Bachelor në “Gjuhë dhe Letërsi Angleze”; Master i Shkencave në “Psikologji këshillimi dhe pedagogji”; Master i Shkencave në “Gjuhë dhe Letërsi turke”; Master i Shkencave në “Gjuhë dhe Letërsi angleze”; Master i Shkencave në “Drejtësi, me profile: E Drejtë penale; E Drejtë ndërkombëtare”; Master i Shkencave në “Shkenca Komunikimi, me profile: Marrëdhënie me publikun; Gazetari”; Master i Shkencave në “Shkenca moderne Islame”; Master i Shkencave në “Shkenca themelore Islame” dhe Master Profesional në “Mësuesi, gjuhë turke për arsimin e mesëm”, të Shkollës së Lartë Private “Hëna e Plotë” (BEDER), Tiranë.

Këshilli i Akreditimit, pasi shqyrtoi vlerësimin e Institucionit dhe Programeve të Studimit që përfundojnë me Bachelor në “Arsim parashkollor dhe fillor”; Bachelor në “Psikologji Këshillimi dhe Pedagogji”; Bachelor në “Drejtësi”; Bachelor në “Shkenca Komunikimi”; Bachelor në “Shkenca Islame”; Bachelor në “Gjuhë dhe Letërsi Turke”; “Bachelor në “Gjuhë dhe Letërsi Angleze”; Master i Shkencave në “Psikologji këshillimi dhe pedagogji”; Master i Shkencave në “Gjuhë dhe Letërsi turke”; Master i Shkencave në “Gjuhë dhe Letërsi angleze”; Master i Shkencave në “Drejtësi, me profile: E Drejtë penale; E Drejtë ndërkombëtare”; Master i Shkencave në “Shkenca Komunikimi, me profile: Marrëdhënie me publikun; Gazetari”; Master i Shkencave në “Shkenca moderne Islame”; Master i Shkencave në “Shkenca themelore Islame” dhe Master Profesional në “Mësuesi, gjuhë turke për arsimin e mesëm”, të Shkollës së Lartë Private “Hëna e Plotë” (BEDER), Tiranë, të mbështetur në raportin e vetëvlerësimit, raportin e vlerësimit të jashtëm, në raportimin e Agjencisë Publike të Akreditimit të Arsimit të Lartë, jep vlerësimin përfundimtar Pozitiv, pasi janë në përputhje me standardet, kërkesat ligjore institucionale dhe akademike në fuqi.

Këshilli i Akreditimit vëren se në përgjithësi programet e studimit, i përmbushin objektivat formues, por kanë edhe disa mangësi në realizimin tërësor dhe me cilësi të procesit të formimit të studentëve dhe pajisjes së tyre me dijet dhe shprehitë e nevojshme dhe për këtë qëllim

REKOMANDON:

Për Institucionin Shkolla e Lartë Private “Hëna e Plotë” (BEDER)

§  Institucioni duhet të japë përparësi për zhvillimin e bibliotekës (katalogimi i të gjitha librave sipas standardeve ndërkombëtare, krijimin e një katalogu online, blerjen e librave për të gjithë fushat hulumtuese të institucioneve, alokimi i pajisjeve teknike dhe krijimi i hapësirës së mjaftueshme për të lehtësuar hulumtim dhe studentët). Më shumë anëtarë të stafit duhet të caktohen në detyra të bibliotekës shkencore.

§  Institucioni duhet gjithashtu të bëjë një përpjekje të veçantë për të forcuar kërkimin shkencor në bashkëpunim me institucionet e themeluara kërkimore.

§  Institucioni duhet të bëjë përpjekje të veçanta për të rekrutuar më shumë personel në nivel të profesorit (për të kapërcyer mungesën e pranishme). Kjo do të jetë gjithashtu e rëndësishme që Institucioni të jetë në gjendje të ofrojë ciklin e tretë të studimeve në një objektiv afat të mesëm.

 

Për programin e studimit Bachelor në “Arsim parashkollor dhe fillor”

§  Të rishikohet/riformulohet më mirë nga ana gjuhësore/kuptimore emërtimi aktual i diplomës.

§  Të përmirësohen objektivat për formimin e studentëve në këtë program, pasi janë përshkruar në mënyrë të përgjithshme, në disa raste të formuluara jo korrekt nga ana gjuhësore dhe pa cilësuar tipin/kategorinë e kompetencave profesionale (të përgjithshme, specifike dhe të transferueshme) që pritet të fitojnë studentët në përfundim të programit të studimit dhe që profilizojnë qartazi programin në specialitetin e mësuesisë/edukatorit të arsimit parashkollor dhe fillor.

§  Të rishikohet raporti teori – praktikë në mbështetje të Udhëzimit Nr.30 i MASH-së, datë 29.07.2008 “Për organizimin e studimeve të larta universitare për formimin universitar të mësuesve”, fq. 29-30, “Plani mësimor i programit të studimit në mësuesi për arsimin fillor”, parashikon për praktikën shkollore 425 orë në total.

§  Të parashikohen në planin mësimor forma të tjera të mësimdhënies si veprimtari praktike / laboratorike / vrojtuese të specifikuara sipas fushës / tematikës, për ato disiplina të cilat kanë (P.sh Edukimi figuratv; Shkencat e natyrës, Metodologjitë/didaktikat e ndryshme, informatika, etj..)

§  Të rritet numri i stafit të kualifikuar me gradën Dr.

 

Për programin e studimit Bachelor në “Psikologji Këshillimi dhe Pedagogji”
§  Të përshtatet programi mësimor për të parashikuar më shumë lëndë/module që mbulojnë fushën e pedagogjisë.
§  Të përmirësohen objektivat e programit të studimit pasi janë shumë të gjera.
§  Të krijohen marrëveshje me institucione për realizimin e praktikës profesionale.
§  Të rritet numri i personalit akademik të mirëkualifikuar në fushën e psikologjisë.
§  Të krijohen mundësi për të sjellë përvojat më të mira të shërbimit psikologjik nga vende të tjera.
§  Të rritet numri i titujve dhe botimeve bashkëkohore në biblotekën e Institucionit.
 

Për programin e studimit Bachelor në “Drejtësi”

§  Të arrihet niveli i kërkuar për kualifikimin e personelit të brendshëm dhe të jashtëm akademik.

Për programin e studimit Bachelor në “Shkenca Komunikimi”

§  Të qënurit një Institucion i ri, sjell mungesën e përvojës dhe të traditës të cilat i japin departamentit dhe programit mësimor një qëndrueshmëri dhe besueshmëri.
§  Të rritet numri i personelit akademik efektiv.
§  Të përshtatet fusha e studimit të personelit akademik me disiplinën përkatëse.
§  Të përmirësohet programi i disiplinës Gjuhë shqipe 1 dhe 2.
§  Të sigurohen tekste bazë në disa disiplina.
§  Të rritet numri i titujve dhe botimeve bashkëkohore në biblotekën e Institucionit.
§  Të realizohet një raport financiar për këtë program studimi.

Për programin e studimit Bachelor në “Shkenca Islame”
§  Të pasurohet bibloteka e Institucionit me literaturë të shkruar në gjuhën shqipe.
§  Të rritet numri i personelit akademik shqiptar.
§  Të krijohet një koordinim më i efektshëm ndërmjet departamenteve dhe Njësisë së sigurimit të brendshëm të cilësisë si për vjeljen e informacionit, ashtu edhe për reflektimin mbi rezultatet e vlerësimit.
§  Të realizohet një lidhje midis stafit dhe studentëve për të qënë më në korrente rreth problematikave korrente me të cilat përballet bashkësia e muslimanëve që frekuenton xhamitë e vendit.

Për programin e studimit Bachelor në “Gjuhë dhe Letërsi Turke”
§  Të shtohen modulet e lëndës së gjuhës shqipe për studentët shqiptarë dhe të huaj.
§  Të rekrutohet staf akademik me përvojë në përputhje me specialitetin e lëndëve të këtij programi studimor.
§  Të punohet më shumë për tekste universitare dhe përditësimin e tyre.

Për programin e studimit Bachelor në “Gjuhë dhe Letërsi Angleze”
§  Të rritet numri i personelit akademik të specializuar sipas fushave të veçanta, duke u pasuruar me anëtarë që mbulojnë fusha specifike, e rëndësishme kjo për cilësinë në mësimdhënie.
§  Të rritet numri i personelit akademik efektiv.
§  Të krijohen mjedise sportive për studentët. 

Për programin e studimit Master i Shkencave në “Psikologji Këshillimi dhe Pedagogji”
§  Të krijohet një organizim më institucional në realizimin e aktivitetit mësimor.
§  Të rritet numri i pedagogëve efektivë dhe me kontratë për të mbuluar fusha specifike të programit të studimit.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Për programin e studimit Master i Shkencave në “Gjuhë dhe Letërsi Turke”
§  Të rritet numri i personelit akademik efektiv.
§  Të krijohen mundësitë për të realizuar anketime në bazë shkencore.
§  Të shikohet mundësia për të afruar sa më shumë studentë shqiptarë.
§  Të vendoset një mesatare më e lartë për ato studentë që kërkojnë të aplikojnë në këtë program studimi.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Për programin e studimit Master i Shkencave në “Gjuhë dhe Letërsi Angleze”
§  Të rritet numri i personelit akademik të specializuar sipas fushave të veçanta, duke u pasuruar me anëtarë që mbulojnë fusha specifike, e rëndësishme kjo për cilësinë në mësimdhënie.
§  Të rritet numri i personelit akademik efektiv.
§  Të përputhet më shumë programi i studimit me objektivat e tij të punesimit.
§  Të realizohet një ndërthurje tërësisht e balancuar midis lëndëve të formimit letrar dhe gjuhësor.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Për programin e studimit Master i Shkencave në “Drejtësi, me profile: E Drejtë penale; E Drejtë ndërkombëtare”
§  Të krijohen mundësitë për të arrituar në nivelin e kërkuar të përqindjes së stafit të brendshëm dhe kuafikimi i një pjese të tij në krahasim me atë të jashtëm.
§  Të rritet numri i titujve dhe botimeve bashkëkohore në biblotekën e Institucionit.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Për programin e studimit Master i Shkencave në “Shkenca Komunikimi, me profile: Marrëdhënie me publikun; Gazetari”
§  Të qënurit një Institucion i ri, sjell mungesën e përvojës dhe të traditës të cilat i japin departamentit dhe programit mësimor një qëndrueshmëri dhe besueshmëri.
§  Të përmirësohet raporti i pabalancuar midis personelit akademik efektiv dhe me kontratë.
§  Të rritet numri i personelit akademik efektiv, sipas fushave të veçanta të specializimit
§  Të përfshihet në planin mësimor disiplina e Gjuhës shqipe, e nevojshme për studentët që nuk kanë njohuri për të në formimin bazë.
§  Të rritet numri i titujve në biblotekën e Institucionit, periodikëve të huaj, si dhe sigurimi i teksteve bazë në disa disiplina.
§  Të krijohen mjedise sportive për studentët.
§  Të krijohet mundësia për përfshirje të Institucionit në nismat e BE-së.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Për programet e studimit Master i Shkencave në “Shkenca moderne Islame” dhe Master i Shkencave në “Shkenca themelore Islame”
§  Të sigurohet literaturë e shkruar në gjuhën shqipe për të ndihmuar studentin gjatë kërkimeve shkencore, për shkak të mungesës së literaturës në gjuhën shqipe.
§  Të rritet numri i personelit akademik shqiptar.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Për programin e studimit Master Profesional në “Mësuesi, gjuhë turke për arsimin e mesëm”
§  Të rritet numri i personelit akademik efektiv.
§  Të krijohen mundësitë për të realizuar anketime në bazë shkencore.
§  Të vendoset një mesatare më e lartë për ato studentë që kërkojnë të aplikojnë në këtë program studimi.
§  Të sigurohet që studentët e këtij programi studimi të japin në përfundim dhe provimin e gjuhës angleze, mbi bazën e testeve të njohura ndërkombëtare.

Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, Vendim Nr.424, datë 02.6.2010 “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë” dhe Vendim Nr.368, datë 14.4.2011 “Për disa shtesa dhe ndryshime në Vendimin Nr. 424, Datë 2.6.2010, të Këshillit të Ministrave “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë”, të ndryshuar”, i rekomandon Ministrit të Arsimit dhe të Shkencës:

Akreditimin Institucional të Shkollës së Lartë Private “Hëna e Plotë” (BEDER)

Programi i Studimit:                          Bachelor në “Arsim parashkollor dhe fillor”
të akreditohet.

Programi i Studimit:                          Bachelor në “Psikologji Këshillimi dhe Pedagogji”
të akreditohet.

Programi i Studimit:                          Bachelor në “Drejtësi”
të akreditohet.

Programi i Studimit:                          Bachelor në “Shkenca Komunikimi”
të akreditohet.

Programi i Studimit:                          Bachelor në “Shkenca Islame”
të akreditohet.

Programi i Studimit:                          Bachelor në “Gjuhë dhe Letërsi Turke”
të akreditohet.

Programi i Studimit:                          Bachelor në “Gjuhë dhe Letërsi Angleze”
të akreditohet.

Programi i Studimit:                          Master i Shkencave në “Psikologji Këshillimi dhe Pedagogji”
të akreditohet.

Programi i Studimit:                          Master i Shkencave në “Gjuhë dhe Letërsi Turke”
të akreditohet.

Programi i Studimit:                          Master i Shkencave në “Gjuhë dhe Letërsi Angleze”
të akreditohet.

Programi i Studimit:                          Master i Shkencave në “Drejtësi, me profile: E Drejtë penale; E Drejtë ndërkombëtare”
të akreditohet.

Programi i Studimit:                          Master i Shkencave në “Shkenca Komunikimi, me profile: Marrëdhënie me publikun; Gazetari”
të akreditohet.

Programi i Studimit:                          Master i Shkencave në “Shkenca moderne Islame”
të akreditohet.

Programi i Studimit:                          Master i Shkencave në “Shkenca themelore Islame”
të akreditohet.

Programi i Studimit:                          Master Profesional në “Mësuesi, gjuhë turke për arsimin e mesëm”
të akreditohet.