Për Programet e Studimit të Ciklit të Dytë që përfundojnë me Master i Shkencave (M.Sc.) në:

1.   MËSIMDHËNIE NË GJUHËN ANGLEZE

2.   PSIKOLOGJI KËSHILLIMI

 

Për Programin e Studimit të Ciklit të Dytë që përfundon me Master Profesional (MP) në:

1.   MENAXHIM I INSTITUCIONIT ARSIMOR

2.   MEKATRONIKE

3.   EDUKIM ME PROFIL, MËSIMDHËNIE E PËRGJITHSHME

 

Këshilli i Akreditimit, pasi shqyrtoi propozimet për hapjen e Programeve të reja të studimit Master i Shkencave dhe Master Profesional, të kërkuar nga SHLUP “Vitrina”, bazuar në raportet e vlerësimit teknik dhe në përmbajtje, raportimin e Agjencisë Publike të Akreditimit të Arsimit të Lartë për procedurën e vlerësimit dhe respektimin e kritereve si edhe bazuar në standardet shtetërore të cilësisë, arrin në këtë përfundim:

 

1.   Përmbajtja e Programit të ri të studimit, Master i Shkencave në “Mësimdhënie në gjuhën angleze”, përmbush standardet e cilësisë dhe për këtë arsye jep vlerësimin Pozitiv.

 

2.   Përmbajtja e Programit të ri të studimit, Master i Shkencave në “Psikologji këshillimi”, përmbush standardet e cilësisë dhe për këtë arsye jep vlerësimin Pozitiv.

 

3.   Përmbajtja e Programit të ri të studimit, Master Profesional në “Menaxhim i Institucionit arsimor”, përmbush standardet e cilësisë dhe për këtë arsye jep vlerësimin Pozitiv.

 

4.   Përmbajtja e Programit të ri të studimit, Master Profesional në “Mekatronikë”, përmbush pjesërisht standardet e cilësisë dhe për këtë arsye vendos kushtet e mëposhtme, pas plotësimit dhe verifikimit të të cilave jep vlerësim përfundimtar:

Kushtet:

• Të jepet më shumë informacion në faqen e internetit për programin e studimit bachelor në Mekatronikë, për të krijuar një ide me të qartë në lidhje me kompetencat më të thelluara që do të fitojnë studentët në këtë program studimi.
• Të rishikohet literatura në disa module për të qenë më bashkëkohore.
• Të krijohet përputhshmëria e plotë midis stafit akademik dhe modulit.
• Të rritet bashkëpunimi me institucione brenda dhe jashtë vendit për të krijuar më shumë fleksibilitet në shkëmbimet akademike.

 

5.   Përmbajtja e Programit të ri të studimit, Master Profesional në “Edukim me profil, Mësimdhënie e Përgjithshme”, përmbush standardet e cilësisë dhe për këtë arsye jep vlerësimin Pozitiv.

 

Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, Vendim Nr.424, datë 02.6.2010 “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë” dhe Vendim Nr.368, datë 14.4.2011 “Për disa shtesa dhe ndryshime në Vendimin Nr. 424, Datë 2.6.2010, të Këshillit të Ministrave “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë”, të ndryshuar”, i rekomandon Ministrit të Arsimit dhe të Shkencës:

Programi i Studimit:                          Master i Shkencave në Mësimdhënie në gjuhën angleze

                                                       të hapet


Programi i Studimit:                          Master i Shkencave në Psikologji këshillimi

                                                       të hapet


Programi i Studimit:                          Master Profesional në Menaxhim i Institucionit arsimor
                                                       të hapet
 

Programi i Studimit:                          Master Profesional në Edukim me profil, Mësimdhënie e Përgjithshme
                                                       të hapet

 

Institucioni aplikues SHLUP “Vitrina”, për programin e studimit: Master Profesional në “Mekatronikë”, pasi të ketë plotësuar kushtet e mësipërme për këtë program studimi, të njoftojë zyrtarisht Këshillin e Akreditimit, i cili, pas verifikimit, do të rifillojë procedurën për vlerësimin e programit të mësipërm.