KËSHILLI I AKREDITIMIT
VENDIM
Nr. 420, datë 11.01.2013
Për riorganizimin e Programeve të Studimit Master i Nivelit të Dytë (MND) në Master Profesional (MP) të “Institucioni i Arsimit të Lartë “ISSAT””.
Këshilli i Akreditimit, pasi shqyrtoi propozimet për riorganizimin e Programeve të studimit Master i Nivelit të Dytë (MND) në Master Profesional (MP) të “Institucioni i Arsimit të Lartë “ISSAT””, bazuar në standardet shtetërore të cilësisë, arrin në këtë përfundim:
1. Riorganizimi i Programit të Studimit Master Profesional në “Financë Kontabilitet”, përmbush standardet e cilësisë dhe për këtë arsye jep vlerësimin Pozitiv.
2. Riorganizimi i Programit të Studimit Master Profesional në “Menaxhim Biznesi”, përmbush standardet e cilësisë dhe për këtë arsye jep vlerësimin Pozitiv.
3. Riorganizimi i Programit të Studimit Master Profesional në “Menaxhim Shëndetësor”, përmbush standardet e cilësisë dhe për këtë arsye jep vlerësimin Pozitiv.
4. Riorganizimi i Programit të Studimit Master Profesional në “Studime Europiane dhe Diplomaci”, përmbush standardet e cilësisë dhe për këtë arsye jep vlerësimin Pozitiv.
5. Riorganizimi i Programit të Studimit Master Profesional në “E Drejtë Ndërkombëtare”, përmbush standardet e cilësisë dhe për këtë arsye jep vlerësimin Pozitiv.
6. Riorganizimi i Programit të Studimit Master Profesional në “Psikologji Sociale dhe e Komunikimit”, përmbush standardet e cilësisë dhe për këtë arsye jep vlerësimin Pozitiv.
Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, Vendim Nr.424, datë 02.6.2010 “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë” dhe Vendim Nr.368, datë 14.4.2011 “Për disa shtesa dhe ndryshime në Vendimin Nr. 424, Datë 2.6.2010, të Këshillit të Ministrave “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë”, të ndryshuar”, i rekomandon Ministrit të Arsimit dhe të Shkencës:
Programi i Studimit: Master Profesional në Financë Kontabilitet
miratohet i riorganizuar
Programi i Studimit: Master Profesional në Menaxhim Biznesi
miratohet i riorganizuar
Programi i Studimit: Master Profesional në Menaxhim Shëndetësor
miratohet i riorganizuar
Programi i Studimit: Master Profesional në Studime Europiane dhe Diplomaci
miratohet i riorganizuar
Programi i Studimit: Master Profesional në E Drejtë Ndërkombëtare
miratohet i riorganizuar
Programi i Studimit: Master Profesional në Psikologji Sociale dhe e Komunikimit
miratohet i riorganizuar
BARDHYL MUSAI
KRYETAR I KËSHILLIT TË AKREDITIMIT