Këshilli i Akreditimit, pasi shqyrtoi propozimin për ndryshimin e statusit juridik Shkollës së Lartë Private “Universiteti POLIS”, të kërkuar me shkresë me Nr. 4177/1, datë 30.07.2012 dhe duke patur parasysh dispozitat e Ligjit Nr. 9741, datë 21.05.2007 “Për arsimin e lartë në Republikën e Shqipërisë”, i ndryshuar, neni 5, neni 41, neni 42, arrin në përfundim se:

Struktura e riorganizuar me njësitë kryesore si dhe njësitë bazë për çdo njësi kryesore (Universiteti me Fakultetet përkatëse dhe çdo Fakultet me Departamentet përkatëse) deklarohet si më poshtë:

1.    FAKULTETI I ARKITEKTURË DHE DIZAJNIT:

• Departamenti i Arkitekturës dhe Dizajnit
• Departamenti i Shkencave të Aplikuara dhe Humane
• Njësia kërkimore e Dizajnit

2.    FAKULTETI I PLANIFIKIMIT, MJEDISIT DHE MENAXHIMIT URBAN:

• Departamenti i Planifikimit dhe Mjedisit
• Departamenti i Menaxhimit Urban
• Njësia kërkimore e Habitatit

3.    INSTITUTI KËRKIMOR SHKENCOR (IKSH):

• Co-Plan (Instituti për zhvillimin e Habitatit), partneritet
• Metro_Polis (Studio projektimi Arkitektonik dhe Urban), partneritet
• Njësia e Publikimeve Polis_PRESS
• Njësia e kërkimit dhe Kualifikimit Shkencor

Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, Vendim Nr.424, datë 02.6.2010 “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë” dhe Vendim Nr.368, datë 14.4.2011 “Për disa shtesa dhe ndryshime në Vendimin Nr. 424, Datë 2.6.2010, të Këshillit të Ministrave “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë”, të ndryshuar”, i rekomandon Ministrit të Arsimit dhe të Shkencës:

Ndryshimin e statusit juridik të Shkollës së Lartë Private “Universiteti POLIS” në “Universiteti POLIS”.