Për Programet e Studimit të Ciklit të Parë që përfundojnë me Bachelor (B.Sc) në:
1.    BIZNES
2.    MENAXHIM
3.    EDUKIM FIZIK DHE SPORTE

Për Programet e Studimit të Ciklit të Dytë që përfundojnë me Master Profesional (MP) në:
1.    SOCIOLOGJI ZHVILLIMI, me profile:
a.    Zhvillim social komunitar
b.    Zhvillim ekonomik dhe studim tregu
2.    PSIKOLOGJI LIGJORE

Këshilli i Akreditimit, pasi shqyrtoi propozimin për hapjen e Programeve të reja të studimit Bachelor dhe Master Profesional, të kërkuara nga Shkolla e Lartë Universitare Private “Marin Barleti”, Tiranë, bazuar në raportet e vlerësimit teknik dhe në përmbajtje, raportimin e Agjencisë Publike të Akreditimit të Arsimit të Lartë për procedurën e vlerësimit dhe respektimin e kritereve si edhe bazuar në standardet shtetërore të cilësisë, arrin në këtë përfundim:

1.    Përmbajtja e Programit të ri të studimit, Bachelor në “Biznes”, përmbush standardet e cilësisë dhe për këtë arsye jep vlerësimin Pozitiv, me sugjerimet e mëposhtme:

• Të jepet më i plotë emërtimi i programit të studimit në përputhje me standardet e IAL të tjera (psh dega të emërtohet Administrim Biznes  pasi të gjithë specializimet mund të përfshihen brenda këtij emërtimit të përgjithshëm).
• Plani mësimor të përfshij emërtimet konkrete të lëndëve të tabelave shoqëruese të profilizimeve.
• IAL të plotësojë të gjitha të dhënat në lidhje me stafin akademik. IAL duhet të jap të saktë angazhimin e pedagogëve të jashtëm dhe efektivë bazuar në kriterin 2 të Standardit III.1.
• Të plotësohen të gjitha të dhënat në lidhje me stafin administrativ.
• Të rishikohet angazhimi i titullarëve të lëndëve të pedagogëve që nuk kanë gradën shkencore Doktor.
• Të reflektohen në planin mësimor ndryshime për orët në auditor për temën e diplomës dhe veprimtaritë formuese mbështetur në Udhëzimin 15 MASH/2008, shtojca 1, pika 5.
• Të plotësohen të dhënat në lidhje me standardin  V.2 (Institucioni vë në dispozicion të studentëve laboratorë dhe mjedise të përshtatshme mësimore dhe për formimin praktik).

2.    Përmbajtja e Programit të ri të studimit, Bachelor në “Menaxhim”, përmbush standardet e cilësisë dhe për këtë arsye jep vlerësimin Pozitiv, me sugjerimet e mëposhtme:

• Për programet e studimit ’Bsc Biznes” dhe ”Bsc Menaxhim” mund të ofrohet si degë Administrim Biznesi (nisur nga fakti se Viti i Parë akademik është i përbashkët me profilizime në disa fusha pasi të tëra profilizimet kanë të përbashkët fjalën Administrim Biznesi).
• Të propozohet një program studimi në Administrim Biznesi me profilizim në vitin e dytë dhe të tretë.
• Të plotësohen të gjitha të dhënat në lidhje me stafin akademik. Të paraqiten të dhëna të sakta për angazhimin e pedagogëve të jashtëm dhe efektivë bazuar në kriterin 2 të Standardit III.1.
• Të plotësohen të gjitha të dhënat në lidhje me stafin administrativ.
• Të rishikohet angazhimi i titullarëve të lëndëve të pedagogëve që nuk kanë gradën shkencore Doktor.
• Të reflektohen në planin mësimor ndryshime për orët në auditor për temën e diplomës dhe veprimtaritë formuese mbështetur në Udhëzimin 15 MASH/2008, shtojca 1, pika 5.
• Të plotësohen të dhënat në lidhje me standardin  V.2 (Institucioni vë në dispozicion të studentëve laboratorë dhe mjedise të përshtatshme mësimore dhe për formimin praktik).

3.    Përmbajtja e Programit të ri të studimit, Bachelor në “Edukim fizik dhe sporte”, përmbush standardet e cilësisë dhe për këtë arsye jep vlerësimin Pozitiv, me sugjerimet e mëposhtme:

• Të rishikohet emërtimi i programit të studimit në Bachelor në Shkencat Sportive për të patur një term më të plotë dhe më të përshtatshëm në këtë kontekst.
• Të shkëputet lënda e “Dietologjisë” nga moduli i biokimisë në vitin e parë, të emërtohet “Të ushqyerit në aktivitet fizik e sport” dhe ti bashkohet modulit të mjekësisë sportive në vitin e tretë.
• Të mos përfshihet lënda e “Gazetarisë sportive” në organikën e këtij programi studimi.

4.    Përmbajtja e Programit të ri të studimit, Master Profesional në “Sociologji Zhvillimi, me profile: Zhvillimi social komunitar; Zhvillim ekonomik dhe tregu”, përmbush standardet e cilësisë dhe për këtë arsye jep vlerësimin Pozitiv, me sugjerimet e mëposhtme:

• Të përfshihen në program lëndë apo tema të veçanta në lëndët ekzistuese të cilat të garantojnë përfitimin e kompetencave të përgjithshme, specifike dhe të transferueshme të synuara, të tilla si koncepte dhe aspekte praktike të menaxhimit të projekteve dhe aftësi për shkruar dhe zbatuar projekte, raporte, etj.
• Të specifikohen më qartë dhe konkretisht fushat e përafërta.
• Të parashikohet një listë e institucionet eventuale apo të synuara, në funksion edhe të përgatitjes së terrenit për punësimin e ardhshëm të studentëve.
• Të paraqiten bazuar dhe nga eksperiencat e mëparshme, të dhëna mbi bashkëpunime apo marrëveshje paraprake.

5.    Përmbajtja e Programit të ri të studimit, Master Profesional në “Psikologji ligjore”, përmbush standardet e cilësisë dhe për këtë arsye jep vlerësimin Pozitiv.

Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, Vendim Nr.424, datë 02.6.2010 “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë” dhe Vendim Nr.368, datë 14.4.2011 “Për disa shtesa dhe ndryshime në Vendimin Nr. 424, Datë 2.6.2010, të Këshillit të Ministrave “Për Miratimin e Rregullores për Sistemin e Akreditimit, Organizimin dhe Veprimtarinë e Institucioneve të Sigurimit të Jashtëm të Cilësisë”, të ndryshuar”, i rekomandon Ministrit të Arsimit dhe të Shkencës:

Programi i Studimit:    Bachelor në Biznes
                të hapet

Programi i Studimit:    Bachelor në Menaxhim
                të hapet

Programi i Studimit:    Bachelor në Edukim Fizik dhe Sporte
                të hapet

Programi i Studimit:    Master Profesional në Sociologji zhvillimi, me profile:
a.    Zhvillim social komunitar
b.    Zhvillim ekonomik dhe studim tregu
                të hapet

Programi i Studimit:    Master Profesional në Psikologji Ligjore
                të hapet