Programi i Studimit të Ciklit të Dytë që përfundon me Master i Shkencave (M.Sc.) në:
1. AKTUARISTIKË
Programet e Studimit të Ciklit të Dytë që përfundojnë me Master Profesional (MP) në:
1. MANAXHIM TURIZMI
2. MANAXHIM TURIZMI (FILIALI SARANDË)
3. MARKETING DHE MARRËDHËNIE ME PUBLIKUN
4. SISTEME INFORMACIONI NË EKONOMI
Këshilli i Akreditimit, pasi shqyrtoi propozimet për Programet e Reja të Studimit Master i Shkencave dhe Master Profesional, të kërkuar nga Fakulteti Ekonimik, Universiteti i Tiranës, bazuar në raportet e vlerësimit teknik dhe në përmbajtje, raportimin e Agjencisë Publike të Akreditimit të Arsimit të Lartë për procedurën e vlerësimit dhe respektimin e kritereve si edhe bazuar në standardet shtetërore të cilësisë, arrin në këtë përfundim:
1. Përmbajtja e Programit të Ri të Studimit, Master Profesional në “Manaxhim turizmi”, përmbush standardet e cilësisë dhe për këtë arsye jep vlerësimin Pozitiv, me sugjerimet:
Të përfshihen si pjesë integrale të programit të studimit, lëndë si “Manaxhimit të Burimeve Njerëzore” dhe “Lidershipit” që janë pjesë e rëndësishme e kurrikulave të Universiteteve Perëndimore.
Të përfshihet në program “Legjislacioni” dhe roli i tij në këtë sektor të rëndësishëm të ekonomisë.
Të bëhet e mundur që lëndët të kenë një karakter më praktik në kontrollin e njohurive për të eleminuar një mësim teorik të mirëfilltë.
Të shikohet mundësia që një pedagogë të mos jap më shumë se një lëndë mësimore.
Të përmirësohen mospërputhjet midis planin mësimor dhe syllabusit për emërtimin dhe ECTS e lëndës “Strategjia e turizmit”.
Të sqarohet raporti lëndë – modul, pasi diku flitet për lëndë dhe diku për modul.
Të shikohet mundësia që lëndë të ndryshme si “Manaxhimi ndërkombeëar i hoteleve dhe resorteve” dhe “Ekonomia globale e turizmit” të mos kenë të njëjtën literaturë.
2. Përmbajtja e Programit të Ri të Studimit, Master Profesional në “Manaxhim turizmi”, Filiali Sarandë, përmbush standardet e cilësisë dhe për këtë arsye jep vlerësimin Pozitiv, me sugjerimet:
Të përfshihen si pjesë integrale të programit të studimit, lëndë si “Manaxhimit të Burimeve Njerëzore” dhe “Lidershipit” që janë pjesë e rëndësishme e kurrikulave të Universiteteve Perëndimore.
Të përfshihet në program “Legjislacioni” dhe roli i tij në këtë sektor të rëndësishëm të ekonomisë.
Të bëhet e mundur që lëndët të kenë një karakter më praktik në kontrollin e njohurive për të eleminuar një mësim teorik të mirëfilltë.
Të përmirësohen mospërputhjet midis planin mësimor dhe syllabusit për emërtimin dhe ECTS e lëndës “Strategjia e turizmit”.
Të sqarohet raporti lëndë – modul, pasi diku flitet për lëndë dhe diku për modul.
Të shikohet mundësia që lëndë të ndryshme si “Manaxhimi ndërkombeëar i hoteleve dhe resorteve” dhe “Ekonomia globale e turizmit” të mos kenë të njëjtën literaturë.
3. Përmbajtja e Programit të Ri të Studimit, Master Profesional në “Marketing dhe marrëdhënie me publikun”, përmbush standardet e cilësisë dhe për këtë arsye jep vlerësimin Pozitiv.
4. Përmbajtja e Programit të Ri të Studimit, Master Profesional në “Sisteme informacioni në ekonomi”, përmbush standardet e cilësisë dhe për këtë arsye jep vlerësimin Pozitiv.
5. Përmbajtja e Programit të Ri të Studimit, Master i Shkencave në “Aktuaristikë”, përmbush standardet e cilësisë dhe për këtë arsye jep vlerësimin Pozitiv.
Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, VKM Nr. 303, datë 1.7.1999, për Krijimin e Sistemit të Akreditimit në Arsimin e Lartë, i rekomandon Ministrit të Arsimit dhe të Shkencës:
Programi i Studimit: Master Profesional në Manaxhim turizmi
të hapet
Programi i Studimit: Master Profesional në Manaxhim turizmi, Filiali Sarandë
të hapet
Programi i Studimit: Master Profesional në Marketing dhe marrëdhënie me publikun
të hapet
Programi i Studimit: Master Profesional në Sisteme informacioni në ekonomi
të hapet
Programi i Studimit: Master i Shkencave në Aktuaristikë
të hapet
Zj. Anila Hoda nuk ishte e pranishme në këtë mbledhje.