Këshilli i Akreditimit, bazuar në Ligjin Nr. 9741, datë 21.05.2007, “Për arsimin e lartë në Republikën e Shqipërisë”, i ndryshuar, Vendimin Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar, mbështetur në procesin dhe rezultatet e vlerësimit paraprak të programit të studimit me elementët:
a)    Emërtimi i programit: Master Profesional në “Infermieristikë”
b)    Cikli i studimit: Cikli i Dytë
c)    Institucioni që e ofron: Universiteti “Fan S. Noli” Korçë
d)    Fakulteti përgjegjës: Fakulteti i Shkencave Natyrore dhe Shkencave Humane
e)    Kohëzgjatja (Vite/semestra): 1.5 vite / 3 semestra
f)    Kredite (ECTS): 90 ECTS
g)    Forma e studimi: me kohë të plotë
h)    Gjuha e studimeve: Shqip
i)    Diploma lëshohet: vetëm nga IAL propozuese
j)    Numri i studentëve të parashikuar për vit akademik: Nuk ka parashikim
k)    Niveli i diplomës në kuadrin e Kornizës Shqiptare të kualifikimeve: Niveli 7



1.    Programi i studimit Master Profesional në “Infermieristikë”, i përmbush standardet shtetërore të cilësisë dhe kërkesat ligjore akademike përkatëse që lidhen me kurrikulën, stafin, kushtet e praktikës pedagogjike dhe të tjera.
2.    Për gjithë sa më sipër KA jep vlerësim përfundimtar pozitiv dhe i rekomandon Ministrit të Arsimit dhe Sportit që programi i studimit Master Profesional në “Infermieristikë” me elementët e mësipërm të hapet.