Këshilli i Akreditimit, bazuar në Ligjin Nr. 9741, datë 21.05.2007, “Për Arsimin e lartë në Republikën e Shqipërisë” i ndryshuar, Vendimin e Këshillit të Ministrave Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar dhe mbështetur në procedurën e ndjekur nga APAAL, raportet e vlerësimit të brendshëm dhe të jashtëm si dhe dokumentacionin mbështetës, për programine studimit, me elementët si më poshtë:

a)      Emërtimi i programit: Master Profesional në “Administrim Biznesi”

b)      Cikli i studimit: Cikli i dytë

c)      Vendimi i hapjes/licencimit: Urdhër i Ministrit të Arsimit dhe Shkencës Nr. 176, datë 26.04.2012

d)     Institucioni që e ofron: Universiteti Privat “Albanian University”

e)      Fakulteti përgjegjës: Fakulteti i Shkencave të Aplikuara dhe Ekonomike

f)       Kohëzgjatja (Vite/semestra): 1.5 Vite/ 3 Semestra

g)      Kredite (ECTS): 90 Kredite

h)      Forma e studimi: Me kohë të plotë

i)        Statusi i diplomës: Ofrohet nga vetë Institucioni

j)        Niveli i diplomës në kuadrin e Kornizës Shqiptare të kualifikimeve: Niveli 7


1.      Programi i studimit Master Profesionalnë “Administrim Biznesi”, i përmbush pjesërisht “Standardet shtetërore të cilësisë” për akreditimin e programit të studimit të ciklit të dytë si dhe kërkesat ligjore akademike.

2.      Institucioni duhet të marrë masa të menjëhershme që brenda 6 muajve të plotësojë kushtet si më poshtë:

a.       Të merren masa që mbulimi i ngarkesës mësimore nga stafi akademik efektiv të jetë të paktën deri në masën 70% të saj.

b.      Të pasurohet biblioteka me publikime shkencore dhe literaturë në funksion të programit të studimit.

3.      Institucionit i rekomandohet riorganizimi i programit të studimit në përputhje me Ligjin 80/2015 “Për arsimin e Lartë dhe Kërkimin Shkencor në IAL” në mënyrë që të jetë funksional.

4.      Me paraqitjen e plotësimit të kushteve nga Institucioni, njw përfaqësie Këshillit të Akreditimit do të organizojë një vizitë në Institucion për verifikimin e plotësimit të kushteve si më lart.

5.      Mbështetur në sa më sipër, Këshilli i Akreditimit i rekomandon Ministrit të Arsimit dhe Sportit që, programi i studimit Master Profesional në “Administrim Biznesi”, me elementët e mësipërm, të akreditohet me kusht.

6.      Ngarkohet APAAL të ndjekë plotësimin e kushteve dhe rekomandimit si më lart, e ti paraqesë për shqyrtim nga KA.