REPUBLIKA E SHQIPËRISË
KËSHILLI I AKREDITIMIT TË ARSIMIT TË LARTË
VENDIM
Nr. 174, datë 07.07.2016
MBI
HAPJEN E PROGRAMIT TË STUDIMIT TË CIKLIT TË DYTË, MASTER I SHKENCAVE NË “PSIKOLOGJI, ME PROFILE: PSIKOLOGJI ORGANIZATIVE; PSIKOLOGJI KOMUNITARE”,TË SHKOLLËS SË LARTË PRIVATE MESDHETARE TË SHQIPËRISË
Këshilli i Akreditimit, bazuar në Ligjin Nr. 9741, datë 21.05.2007, “Për arsimin e lartë në Republikën e Shqipërisë”, i ndryshuar, Vendimin Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar, mbështetur në procesin dhe rezultatet e vlerësimit paraprak të programit të studimit me elementët:
a) Emërtimi i programit: Master i Shkencave në “Psikologji, me profile: Psikologji organizative; Psikologji komunitare”
b) Cikli i studimit: Cikli i dytë
c) Institucioni që e ofron: Shkolla e Lartë Private Mesdhetare e Shqipërisë
d) Fakulteti përgjegjës: Fakulteti i Shkencave Juridike dhe Politike
e) Kohëzgjatja (Vite/semestra): 2 vite / 6 semestra
f) Kredite (ECTS):120 ECTS
g) Forma e studimi: me kohë të plotë
h) Diploma lëshohet: vetëm nga IAL propozuese
i) Numri i studentëve të parashikuar për vit akademik: 50studentë
j) Niveli i diplomës në kuadrin e Kornizës Shqiptare të kualifikimeve: Niveli 7
VENDOSI:
1. Programii studimit Master i Shkencave në “Psikologji, me profile: Psikologji organizative; Psikologji komunitare”, i përmbush standardet e cilësisë për këtë lloj dhe cikël programi studimi.
2. Institucionit i rekomandohet të bëjë ndryshimet si më poshtë:
a. Lënda “Teknikat cilësore të kërkimit dhe analiza e komunikimit” të ristrukturohet duke ndryshuar titullin në “Metoda të kërkimit shkencor në psikologji” dhe të përfshihen tema që lidhen me kërkimin sasior.
b. Emërtimi i lëndës “Fjalori psikologjik ndërkombëtar” të ndryshojë në përshtatje me përmbajtjen e programit.
c. Të hiqet pjesa “Etika e këshillimit” që është përmban lënda “Psikologji klinike”.
3. Për gjithë sa më sipër KA jep vlerësim përfundimtar pozitiv dhe i rekomandon Ministrit të Arsimit dhe Sportit që programi i studimit Master i Shkencave në “Psikologji, me profile: Psikologji organizative; Psikologji komunitare” me elementët e mësipërm të hapet.
KËSHILLI I AKREDITIMIT TË ARSIMIT TË LARTË