Këshilli i Akreditimit, bazuar në Ligjin Nr. 9741, datë 21.05.2007, “Për Arsimin e lartë në Republikën e Shqipërisë” i ndryshuar, Nenin 29 “Programet e studimit të përbashkëta”, Pika 2 dhe Nenin 62 “Akreditimi”, Pika 5 dhe Vendimin e Këshillit të Ministrave Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar dhe mbështetur në procedurën e ndjekur nga APAAL, raportet e vlerësimit të brendshëm dhe të jashtëm si dhe dokumentacionin mbështetës, për programin e studimit, me elementët si më poshtë:

a)      Emërtimi i programit: Bachelor në “Teknika laboratorike dentare”

b)      Cikli i studimit: Cikli i Parë

c)      Vendimi i hapjes/licencimit: VKM Nr. 673, datë 27.09.2006

d)      Vendimi i riorganizimit: Urdhër i Ministrit të Arsimit dhe Shkencës Nr. 478, datë 16.12.2015

e)      Vendimi i akreditimit të parë: Urdhër i Ministrit të Arsimit dhe Shkencës Nr. 225, datë 21.07.2009

f)       Institucioni që e ofron: Universiteti “Aldent”  

g)      Fakulteti përgjegjës: Fakulteti i Shkencave Dentare

h)      Kohëzgjatja (Vite/semestra): 3 vite / 6 semestra

i)       Kredite (ECTS): 180 ECTS

j)       Forma e studimit: Me kohë të plotë

k)      Statusi i diplomës: ofrohet nga vetë Institucioni

l)       Niveli i diplomës në kuadrin e Kornizës Shqiptare të kualifikimeve: Niveli 6

VENDOSI

1.      Programi i studimit, Bachelor në “Teknika laboratorike dentare” i përmbush plotësisht “Standardet shtetërore të cilësisë” për akreditimin periodik të programit të studimit të ciklit të parë.

2.      Universiteti “Aldent”, i ka plotësuar njëkohësisht të gjitha rekomandimet e lëna nga akreditimi i mëparshëm i programit të studimit.

3.      Mbështetur në sa më sipër, Këshilli i Akreditimit i rekomandon Ministrit të Arsimit dhe Sportit që, programi i studimit, Bachelor në “Teknika laboratorike dentare”, me elementët e mësipërm, të akreditohet.

4.      Universiteti “Aldent”, për programin e studimit, Bachelor në “Teknika laboratorike dentare”, duhet të sigurojë që standardet, mbi bazën e të cilave është dhënë akreditimi, të përmbushen për të gjithë periudhën kohore të vlefshmërisë së akreditimit. Ngarkohet Agjencia Publike e Akreditimit të Arsimit të Lartë të monitorojë në vazhdimësi ruajtjen e këtyre standardeve dhe të raportojë pranë Këshillit të Akreditimit.

 

KËSHILLI I AKREDITIMIT TË ARSIMIT TË LARTË