ASCAL realizoi një vizitë pranë Agjencisë Kroate për Shkencë dhe Arsim të Lartë (AZVO), në kuadër të forcimit të bashkëpunimit ndërinstitucional dhe shkëmbimit të përvojave më të mira në fushën e sigurimit të cilësisë.

Gjatë takimeve, palët diskutuan mbi praktikat e akreditimit, proceset e vlerësimit të jashtëm, si dhe zhvillimet më të fundit në përputhje me Standardet dhe Udhëzimet Evropiane (ESG).

Në përfundim të vizitës, u nënshkrua një marrëveshje bashkëpunimi ndërmjet dy agjencive, e cila synon thellimin e partneritetit përmes aktiviteteve të përbashkëta, shkëmbimit të ekspertizës dhe mbështetjes reciproke në proceset e sigurimit të cilësisë në arsimin e lartë.